Me shume krenari ua prezentojme katër bashkëfshataret tona, si vajzat e para jo vetëm në Vaksincë por edhe me gjere, që me iniciativë të Hf. Ganiut, vajza e tij Mixhivere Aliu (tani e ndjerë), Letafete Aliu (vajza e ages Jup), Remzie Aliu (vajza e haxhi Jakupit) dhe Qefsere Aliu (vajza e Hevziut) ishin katër vajzat e para që në vitin 1969 vazhduan shkollimin e mesëm, e pastaj te katërtat u bënë mësueset e para jo vetëm në Vaksincë. Vlen të theksohet, se përkundër botëkuptimeve të vjetra dhe kundërshtive të asaj kohe, ky veprim pastaj solli një thyerje të akullit edhe për shumë e shumë vajza tjera nga Vaksinca për të vazhduar shkollimin. Jo më kot, deri vonë Vaksinca ishte kampion në numrin e vajzave të shkolluar në rajon. Kjo katërshe shkollimin fillimisht e vazhduan në Presheve e pastaj për të diplomuar si mësuese në Gjilan. Kemi kënaqësinë ta ndajmë me ju një foto të “dallëndysheve” të para të Vaksincës.
Në foto: Mixhivere Aliu (vajza e Hafez Ganiut, tani e ndjere), Remzije Aliu (vajza e haxhi Jakupi) dhe Qefsere Aliu (vajza e Hefziut) – lartë nga e majta në të djathtë ndërsa ulur Letafete Aliu kurse vajza e vogël Lirije Aliu.
Përveç Mixhiveres, tri mësuese tjera jetojnë në Kumanove e Gjilan, të gjitha në pension të merituar pas shume e shume vitesh në edukimin e gjenerateve nxenesish.
P.S. Foto dhe shkrimi janë marrë nga FanPage e Fshatit Vaksincë