TV News
Shqipëri

Dita Ndërkombëtare e Mjekëve, Begaj: Respekt dhe mirënjohje ndaj punës së bluzave të bardha

Kreu i Shtetit Bajram Begaj në Ditën Ndërkombëtarëve të Mjekëve ka vlerësuar punën e përditshme dhe sfidat me të cilat bluzat e bardha përballen.

 

Përmes një shkrimi në Facebook, presidenti Begaj risolli në vëmendje periudhën e Covid-19 dhe shtoi se mjekët i qëndruan besnikë betimit të profesionit të tyre.

 

“Në Ditën Ndërkombëtare të Mjekut, uroj të gjithë mjekët e Shqipërisë, për punën e tyre të palodhur, në shërbim të qytetarëve.

 

Pandemia COVID-19, na risolli në vëmendje madhështinë dhe përulësinë e misionit të mjekut. Për muaj me radhë, mjekët tanë iu dedikuan pacientëve të sëmurë, duke i qëndruar besnikë “Betimit të Hipokratit” e duke mos pyetur për rrezikun që i kanosej atyre vetë apo familjarëve.

 

Sot, tek sa për fat ditët e vështira të pandemisë duken kujtim i së shkuarës, nuk duhet t’i mbetet së shkuarës shembulli i vetëmohimit të tyre, përkundrazi, duhet të jetë një arsye më shumë, për të respektuar bluzat e bardha për profesionalizmin dhe perkushtimin e tyre.

 

Respekt dhe mirënjohje ndaj mjekëve tanë, ndaj të gjithë kolegëve dhe miqve të mi të nderuar”, shkruan ai.

 

Dita Kombëtare e Mjekëve nderohet më 30 mars të çdo viti. Kjo ditë u krijua për të njohur mjekët, punën e tyre dhe kontributet e tyre në shoqëri dhe në komunitet. Kjo ditë është regjistruar si e tillë nga Organizata Botërore e Shëndetësisë dhe organizata humanitare Médecins Sans Frontières.

 

Lajme të ngjashme

Rritje me 64 për qind e netëqëndrimeve të turistëve të huaj në Shqipëri

Suad Avdiu

Martesat brenda të njëjtës gjini/ Shqipëri: Kisha reagon për martesën e dy vajzave

Suad Avdiu

619 vjet nga lindja e Gjergj Kastriotit – Skënderbeut

Suad Avdiu