E enjte, 30 Mars 2023 – 17:45
(KEYSTONE/Salvatore Di Nolfi)
Aeroporti i Gjenevës u kthye në fitim vitin e kaluar, pas humbjeve të shkaktuara gjatë pandemisë.
Sot ka më shumë linja në dispozicion se më parë, 146 krahasuar me 139.
Linjat me distanca të gjata gjithashtu janë kthyer në fuqi të plotë, pasi Air China u kthye në shkurt.
Në fund të vitit të kaluar, aeroporti shënoi një fitim prej 46.3 milionë CHF. Në vitin 2021 ajo bëri një humbje prej afro 90 milionë CHF, shkruajnë mediat zvicerane, përcjell albinfo.ch.
Por, numri i pasagjerëve nuk ka arritur ende nivelet para pandemisë. 14 milionë kaluan vitin e kaluar – në 2019-ën kjo shifër ishte 18 milionë.
Drejtori i Përgjithshëm, André Schneider, thotë se rimëkëmbja e fortë e aeroportit duhet të menaxhohet me kujdes dhe plani i investimeve do të vazhdojë të ndiqet.
Tri destinacionet më të njohura janë Londra, Parisi dhe Porto. Aeroporti thotë se tregu portugez po rritet fuqishëm.
Linja ajrore më e madhe deri tani është easyJet, me gati 50% të pjesës së tregut.
