TV News
Maqedoni

Kovaçevski – Stoltenberg: Të bashkuar dhe të fuqishëm bashkë në NATO, Maqedonia e Veriut është faktor stabiliteti

Kryetari i Qeverisë së Republikës së Maqedonisë së Veriut, Dimitar Kovaçevski, sot pasdite pati një bisedë telefonike me Sekretarin e Përgjithshëm të NATO-s, Jens Stoltenberg.

Ata diskutuan disa çështje aktuale të rëndësishme për rajonin dhe në kontekst gjeopolitik.

U theksua uniteti i fuqishëm i shteteve aleate në Aleancë, në funksion të paqes, pas sfidave të agresionit brutal ushtarak të Rusisë ndaj Ukrainës.

Në të njëjtën kohë, u përshëndet pozicionimi efektiv i Republikës së Maqedonisë së Veriut në përputhje me pozicionimin e partnerëve të NATO-s dhe politikës së përbashkët dhe të jashtme të sigurisë së BE-së, si dhe ofrimi i mbështetjes së nevojshme për Ukrainën.

Gjatë bisedës gjithashtu u theksua rëndësia e një qasjeje të përbashkët në trajtimin e kërcënimeve hibride dhe dezinformatave si sfida për stabilitetin dhe sigurinë.

Për aspektet e çështjeve që u diskutuan sot nga Kryeministri Kovaçevski dhe Sekretari i Përgjithshëm i NATO-s Stoltenberg, siç u theksua, pritet të diskutohen në Samitin e ardhshëm të NATO-s në korrik në Vilnius të Lituanisë.

Lajme të ngjashme

Gashi: Në LSDM ka shpërndarje të votës, Taravari ka më shumë gjasa të kalojë në raundin e dytë

Suad Avdiu

Selmani: Për demokracinë do të ishte e shëndetshme që presidenti të zgjidhet në Kuvend

Suad Avdiu

Mariçiq paralajmëron dërgesë të re prej 300 mijë formularëve për pasaportat

Suad Avdiu