Kryeministri i Shqipërisë, Edi Rama, po vazhdon ta drejtojë gishtin kah Irani për protestën e organizuar për Zvërnecin.
Rama me anë të një shkrimi në ‘Facebook’, ka publikuar edhe një fotografi të Igballe Hudutit, e cila ka marrë pjesë në protestë.
Kryeministri shqiptar ka publikuar edhe një fotografi të Huduti ku shihet me Ahmadinexhadin. Huduti njihet për qëndrime pro-iraniane.
“Shikojini vetë dy fotot. Është i njëjti personazh i ardhur me karvanin e “diasporës” së shtirur, që në emër të Allahut predikon urrejtje, thërret për kryengritje ndaj qeverisë së Shqipërisë, kërkon hakmarrje ndaj Amerikës për vëllaun e vrarë, kasapin e regjimit të Teheranit, gjeneralin famëkeq Kasem Sulejmani. Dhe po, personazhi në krah të saj është Ahmedinegjadi dora vetë, kryeshërbëtori famëkeq i ajatollahëve të errësirës”, ka shkruar Rama. /Insajderi.org/