Presidentja e Kosovës, Vjosa Osmani ka përkujtuar 24 vjetorin e masakrës ndaj familjes Berisha në Suharekë.
Ajo ka thënë se 24 vjet më parë ndodhi masakra më e tmerrshme ndaj një familje.
Në deklaratën e Osmanit thuhet se krimi u mundua të fshihet, por që tre anëtarë të kësaj familje shpëtuan që janë dëshmia e këtij gjenocidi.
“24 vjet më parë ndodhi masakra e tmerrshme ndaj një familjeje të tërë. 46 anëtarë të familjes Berisha u masakruan në pragun e shtëpisë, ndërsa kufomat iu bartën gjetiu. Fati deshi që tre nga ta, Vjollca me të birin dhe Shyhretja të shpëtonin. Sot ata e mbajnë gjallë kujtimin për anëtarët e vrarë dhe kujtesën për gjenocidin ndaj nesh. Ata janë kujtesa e dëshmia e këtij gjenocidi ndaj shqiptarëve të Kosovës”, ka shkruar Osmani.
Në kujtim të kësaj masakre ka shkruar edhe kryeministri i Kosovës, Albin Kurti.
Ai ka thënë se krimet e Serbisë as nuk mund të fshihen e as të harrohen./teve.info/