E shtunë, 25 Mars 2023 – 0:00
Pixabay
Të enjten, ligjvënësit amerikanë intervistuan shefin e rrjetit social të videove, TikTok, në lidhje me ndikimin e mundshëm kinez mbi këtë platformë. Ata thanë se videot e këtij aplikacioni po dëmtojnë shëndetin mendor të fëmijëve, shkruan Radio Evropa e Lirë, përcjellë Albinfo.ch.
Dëshmia e Shou Zi Cheë para Kongresit nuk ndikoi shumë për të qetësuar shqetësimet e SHBA-së për kompaninë amë me bazë në Kinë të TikTok-ut, ByteDance dhe shtoi një vrull të ri në thirrjet e ligjvënësve për të ndaluar platformën në mbarë vendin. Në mbi pesë orë dëshmi, Chew mohoi që aplikacioni ndan të dhëna ose ka lidhje me Partinë Komuniste Kineze dhe tha se platforma po bën gjithçka për sigurinë e 150 milionë përdoruesve të saj amerikanë, raporton Radio Evropa e Lirë, përcjellë albinfo.ch.
Chew tha se TikTok-u për më shumë se dy vjet ka “ndërtuar atë që përbën një ‘mur zjarri’ për të mbyllur të dhënat e mbrojtura të përdoruesve të SHBA-së nga qasja e personave të paautorizuar. “Përfundimi është ky: të dhënat amerikane të ruajtura në tokën amerikane, nga një kompani amerikane, e mbikëqyrur nga personeli amerikan”, tha Chew, raporton REL, përcjellë albinfo.ch.
Ligjvënësit konsideruan se Chew shmangej në pyetjet për Kinën. Të tjerë akuzuan TikTok-un për promovimin e përmbajtjeve që inkurajojnë çrregullimet e të ngrënit te fëmijët, shitjet e paligjshme të drogës dhe shfrytëzimin seksual. “TikTok-u mund të dizajnohet për të minimizuar dëmin ndaj fëmijëve, por u mor një vendim që në mënyrë agresive fëmijët të bëhen të varur në emër të fitimeve,” tha përfaqësuesja Kathy Castor, një demokrate, në seancën dëgjimore të komisionit të Dhomës së Përfaqësuesve për Energjinë dhe Tregtinë, shkruan REL, përcjellë Albinfo.ch.
