TV News
Diaspora

Nënshkruhet marrëveshja për IPA 2022 me vlerë mbi 62 milionë euro

E premte, 24 Mars 2023 – 12:40
albinfo.ch

Zëvendëskryeministri Besnik Bislimi dhe ambasadori i BE-së në Kosovë, Tomas Szunyog, nënshkruajnë marrëveshjen financiare ndërmjet Kosovës dhe Bashkimit Evropian për programin vjetor IPA 2022, në vlerë mbi 62 milionë euro.

Bislimi me këtë rast tha se nga kjo marrëveshje Kosova përfiton mbi 62 milionë euro që do të zbatohen në përkrahje për profesione të lira në Kosovë, përkrahje për mjedisin dhe energjinë e gjelbër, menaxhimin e mbeturinave, ujërat e zeza, zhvillimi socio ekonomik dhe përkrahje për kthimin e komuniteteve.

Projektet do të bashkëfinancohen me 4.7 milionë euro nga buxheti i Kosovës, raporton kp. Ai tha se tani presin qe marrëveshja të procedohet sa më shpejt dhe të hyjë në fuqi.

Ndërsa, shefi i Zyrës së BE-së në Kosovë, Tomas Szunyog u shpreh se BE është ofruesi më i madh i asistencës asociale që synon zhvillimin ekonomik në Kosovë.

Edhe ambasadori i BE-së pret që kjo marrëveshje të ratifikohet sa më shpejt të Kuvend.



Lajme të ngjashme

Mërgimtarët në Zvicër hapin dyert për liderët e Lidhjes Europiane për Ndryshim

Suad Avdiu

Shqiptari nga Turqia e çon në vend amanetin e nënës, boton librin “Prekazi”

Vlora Zenuni Hamiti

Kryeministri Kurti takohet në Vjenë me këshilltarin shqiptar në Austri, Fidan Limani

Suad Avdiu