Muzika e bukur ju shoqëroi edhe mbrëmjen e pestë të spektaklit “Gjeniu i Madh”, në ekranin e Vizion Plus.
Talentet e kësaj mbrëmje interpretuan mbi dy orë materialet e përzgjedhura, duke dhuruar spektakël dhe emocione të forta.
KONKURRENTËT
“Them se kaloi mirë, orkestra duhet të ishte pak më ritmike, por në përgjithësi shkoi mirë. Të gjithë janë të fortë, të gjithë janë të mirë. Unë thash nuk kam ardhur për garën, as për fitoren. Erdha të këndoj dhe ta shijoj.”
“Emocionet sa vijnë dhe shtohen dhe përgjegjësia gjithashtu. Është një garë por unë në fakt se marr si të tillë e marr për t’u kënaqur, për të shijuar muzikën live.”
Mbrëmja e së enjtes përballi tetë konkurrentët e tjerë të gjashtëmbëdhjetëshes pjesëmarrëse, duke i hapur kështu rrugë garës së vërtetë. Nga 8 talentet e Gjeniut, sipas vlerësimit të anëtarëve të jurisë, 6 u zgjodhën për në fazën tjetër, ndërsa dy prej tyre kaluan në sfidë.
KONKURRENTËT
“Mendoj se kam pasur herën e parë më shumë emocione. Por janë emocione të bukura, mua kështu të paktën më ndodh ndoshta se është dhe shpirti garës.”
“Me aq sha kam parë të gjithë konkurrentët janë shumë të fortë, shumica prej tyre them se janë profesionistë, thjesht se nuk kanë pasur mundësi të dalin ne ekran.”
“Kam marrë shumë vlerësime por më shumë i kam dhënë rëndësi kritikave pasi mendojnë që në këtë rrugëtim ato të rrisin më shumë.”
Vojsava dhe Ajeti konkurruan përballë njëri-tjetrit, sfidë e cila, pas votave të jurisë, i dha mundësi Ajetit të vijojë rrugëtimin e tij për në finale.
“Falenderoj produksionin për mundësinë që më dha. Unë jam fanatike e këngës shqip dhe kam ardhur gjithmonë më të tilla dhe mendoj se kjo më penalizoi pak.”
Për më shumë surpriza dhe emocione spektakli “Gjeniu i Madh” ju lë takim të enjten e ardhshme në orën 21.00.