Një tërmet i fuqishëm ka tronditur Pakistanin dhe Afganistanin. Si pasojë e lëkundjeve të forta janë shënuar 12 viktima dhe mbi 100 të plagosur.
Tërmeti me magnitudë 6.5 dëmtoi ndërtesa dhe shkaktoi panik tek qytetarët, të cilët braktisën banesat e tyre.
Tërmeti që goditi të martën në mbrëmje dy vendet, mësohet se e kishte epiqendrën në një rajon malor në veri-lindje të Afganistanit, pranë kufirit me Pakistanin.
Lëkundjet nga lugina e largët Jurm u ndjenë deri në Indi.
“Ishte një dridhje e tmerrshme. Unë kurrë nuk kisha ndjerë një dridhje të tillë më parë në jetën time,” tha banorja e Kabulit Khatera për agjencinë e lajmeve AFP pasi doli me nxitim nga apartamenti i saj i katit të pestë.
Nëntë nga vdekjet e konfirmuara u raportuan në rajonin e luginës së Khyber Pakhtunkhëa në Pakistan.
Tre të tjerë u vranë në Afganistan, tha zëdhënësi i ministrisë së Shëndetësisë së vendit. Një fëmijë ishte në mesin e të vrarëve në provincën Laghman pranë kufirit të vendit me Pakistanin, raportoi AFP.
Shumë familje kishin dalë nga shtëpitë e tyre duke festuar Vitin e Ri Persian kur vendi u godit nga tërmeti.