TV News
Shqipëri

Borrell: Marrëveshja Kosovë-Serbi është detyruese/ Daçiç: Zbatojmë aneksin pa kaluar vijat e kuqe

Përfaqësuesi i lartë i Bashkimit Evropian për politikë të jashtme dhe siguri, Josep Borrell ka informuar sot Këshillin e Ministrave të Punëve të Jashtme të BE-së në lidhje me takimin Kurti-Vuçiç në Ohër.

Ai ka thënë se marrëveshja është arritje e madhe dhe se ka hyrë në fuqi menjëherë me deklaratën e lëshuar prej tij.

 

JOSEP BORELL

“Informova ministrat për marrëveshjen që arritëm në Ohër ndërmjet Kosovës dhe Serbisë. Marrëveshja krijon një status quo të re në dialog dhe ky është një moment i rëndësishëm në procesin e normalizimit të marrëdhënieve mes tyre, dhe sigurisht që krijon një status quo të re në dialog. Marrëveshja dhe aneksi kanë hyrë në fuqi me Deklaratën e lëshuar.”

 

Nga ana tjetër ministri i Jashtëm i Serbisë, Ivica Daçiç e ka konsideruar dakordësimin një arritje, por ka deklaruar se Beogradi është i gatshëm të zbatojë marrëveshjen me Kosovën deri te vijat e kuqe.

 

IVICA DAÇIÇ

“Vijat tona të kuqe, për të cilat nuk pajtohemi përfshijnë njohjen reciproke, jo njohje e Kosovës dhe as anëtarësim i Kosovës në Kombet e Bashkuara”

 

Shefi i diplomacisë serbe ka thënë se në Ohër janë ruajtur interesat kombëtare të Serbisë.

 

Sipas tij formimi i asociacionit të komunave me shumicë serbe në Kosovë do të jetë ligjërisht detyrues për Prishtinën dhe procesi i dialogut është vetëm në drejtim të normalizimit të marrëdhënieve dhe asgjë më shumë se kaq.

 

Lajme të ngjashme

Shqipëria drejt rekordit,50 mijë kuqezi lënë pa bileta italianët në sfidën e parë

Suad Avdiu

Gruaja me sëmundje të rrallë të gjakut bëhet nënë, rasti i parë në Shqipëri

Suad Avdiu

Lorik Cana: Shqipëria nuk ka asgjë për të humbur

Suad Avdiu