Simone Inzaghi tha se Interi ishte ‘madhështor’ që refuzoi të përkulej para fatit të keq dhe vazhdoi të luftonte deri në fund kundër Milanit.
Milan dhe Inter luajtën baraz 1-1, me De Vrij që realizoi golin e barazimit për zikaltërit në minutën e 93’të, shkruan GazetaBlic Sport.
“Djemtë ishin të mrekullueshëm, ata shkuan përtej thirrjes së detyrës, por pati shumë fat të keq kundër nesh, me tre gola të anuluar, duke goditur tre herë në shtyllë dhe një penallti vërtet të pastër që nuk u dha për Thuram”, tha Inzaghi për Sky Sport Italia.
“Me kaq shumë incidente kundër nesh, ne arritëm të barazojmë në minutën e 93-të. Edhe Milani meriton komplimente, pasi ka intensitet dhe është gjithmonë i rrezikshëm në kundërpërgjigje, ndaj edhe ata bëjnë një paraqitje të mirë.
“Është e qartë se ka keqardhje, sepse ne gjithmonë duam të fitojmë.”
/GazetaBlic Sport