Notarja sllovake, Tamara Potocka u rrëzua teksa doli nga uji dhe u rrethua menjëherë nga personeli mjekësor, të cilët e vendosën në barelë për ta dërguar më pas për tretman më të detajuar.
Potocka është rrëzuar buzë pishinës pasi garoi në Lojërat Olimpike ‘Paris 2024’.
Ajo u pa me një maskë oksigjeni ndërsa u dërgua për ndihmë mjekësore më të detajuar. Personali mjekësor në pishinë tha se ajo ishte e vetëdijshme.
“Ajo është e vetëdijshme, por ne jemi në pritje të informacioneve të reja mjekësore”, shpjeguan organizatorët për AFP, duke specifikuar se Potocka po kujdesej nga ekipet mjekësore.
Sllovakja e përfundoi e garën e shtata në kohën 2 minuta e 14.20 sekonda, duke e lënë të eliminuar nga raundi gjysmëfinal.
Seria e radhës u shty pak për t’u dhënë kohë shpëtimtarëve për t’u kujdesur për notaren. /Telegrafi/