Në vend mungojnë 340 zjarrfikës dhe mjetet zjarrfikëse që përdorin zjarrëfikësit janë mesatarisht 27 vjet më të vjetra. E njëjta gjë është edhe me 263 autoambulancat në dispozicion që janë mesatarisht 12 vjet të vjetra dhe vetëm 30 nga automjetet e tilla të sapomarra janë të reja, ndërsa të tjerat janë blerë “të përdorura”.
Këto janë rezultatet e hulumtimeve më të fundit dhe bazave të të dhënave të të gjitha autoambulancave dhe automjeteve zjarrfikëse, si dhe numri i zjarrfikësve në të 34 njësitë në vend, të publikuara nga Qendra për Komunikim Civil (QKK), informon PRESSonline.al.
Rezultatet e hulumtimit treguan se në 16 nga 34 njësitë zjarrfikëse në vend ka më pak se numri minimal i parashikuar ligjor i zjarrfikësve.
Shkupit i mungojnë më së shumti zjarrfikës, më shumë se 200. Njësia e Shkupit ka 190, ndërsa duhet të ketë 405 zjarrfikës. Më pas janë Kumanova – ku ka 33 zjarrfikës më pak se sa parashikon ligji, Manastiri me 21 zjarrfikës më pak dhe Tetova ku mungojnë 17 zjarrfikës.
Resnja qëndron më së miri me gjashtë zjarrfikës mbi numrin e përcaktuar ligjor dhe disa komuna që secila kanë nga 4 zjarrfikës më shumë se minimumi: Gostivari, Struga, Kërçova dhe Dellçeva.
Ndryshe, 34 njësitë zjarrfikëse kanë gjithsej 284 vetura, nga ato që shuajnë zjarre deri tek cisternat e ujit dhe automjetet për transportin e zjarrfikësve dhe pajisjeve.
Gjysma e totalit prej 284 automjetesh janë më të vjetra se 30 vjet, ndërsa vetëm 15 për qind e automjeteve janë deri në 10 vjet. Në tre vitet e fundit janë blerë edhe 65 automjete të tjera, por edhe ato janë mesatarisht 17 vjet të vjetra.
“Automjetet më të vjetra me moshë mesatare 39 vjeç janë reparti i sapoformuar i zjarrfikësve në Staro Nagoriçan. Më pas është Kratova me moshë mesatare 38 vjeçare, ndërsa veturat e zjarrfikëses së Valandovës kanë moshë mesatare 36 vjeçare. Njësitë e zjarrfikësve në Veles dhe Shtip kanë flotën më të re të automjeteve, automjetet e të cilave janë mesatarisht 12 vjeçare” – potencojnë nga Qendra për Komunikime Qytetare.
Mjeti më i vjetër zjarrfikës prej 57 vitesh është kamioni TAM i vitit 1966, i njësitit Valandovë. Analiza tregoi se atë e ndjekin katër vetura, vetëm një vit më të reja, të prodhuara në vitin 1967: dy Mercedes në Kamenicë të Maqedonisë dhe Manastir dhe nga një TAM dhe FAP në Kriva Pallankë dhe Demir Hisar. Nga markat e automjeteve, më të përfaqësuara janë kamionët FAP, nga të cilët janë rreth 50 automjete, mesatarisht 39 vjeçare, pasuar nga 28 Lada Niva, mesatarisht 23 vjeçare. / PRESSonline.al