Eliminimi i Arsenal ishte surpriza më e madhe e ndeshjeve të kthimit të 1/8 të Uefa Europa League. Topçinjtë u mposhtën me penallti nga Sporting Lisbone, pasi të dyja ndeshjet në kohë të rregullt dhe shtesa ishin mbyllur në barazim, 2 me 2 dueli i parë në Lisbgone dhe 1 me 1 sfida e kthimit në Londër.
Tek penalltitë, luzitanët ishin perfekt, pasi shënuan 5 goditje në 5 të tilla përballë 3 të vendasve.
Ai që nxori jashtë kryesuesit e Premier League nga ky komepticion ishte portieri veteran Adan, që bëri pritjen decisive. Juventus u kualifikua në çerekfinale, duke siguruar fitoren e dytë në po kaq ndeshje ndaj Frajburg.
Në Gjermani, bardhezinjtë fituan 2 me 0 falë golave të Vlahoviç me penallti dhe Kiezes duke ecur përpara në një kompeticion që është rruga e vetme për Zonjën e Vjetër, për të kaluar sezonin e ardhshëm në Champions League.
Një tjeter skuadër e madhe, që mbetet në lojë për këtë trofe, është Mançester United. Djajtë e kuq e kishin mundur thellë Betisin në fushën e tyre në takimin e parë 4 me 1, ndërsa në Spanjë, suksesi 1 me 0 i anglezeve u vulos nga një gol i Markus Rashford.
Roma u mjaftua me një barazim 0 me 0 në transfertën Baske kundër Sociedad për të kaluar në çerekfinale, duke iu falur suksesit 2 me 0 në shtëpi në takimin e parë.
Sevija gjithashtu një ekip ekspert, dhe që e ka fituar disa herë këtë trofe në 20 vitet e fundit, ia doli të shkojë më tej ndonëse vuajti shumë në Turqi, ku u mund 1 me 0. Diferencën e bëri takimi i parë, të cilin andaluzët e kishin fituar 2 me 0.