Anëtar i Këshillit Kombëtar të Partisë Demokratike, Ilir Alimehmeti në një intervistë për Vizion Plus ka komentuar situatën aktuale para zgjedhore në këtë forcë politike.
Lidhur me alternativën që ky subjekt do të ofrojë për votuesit më 14 maj, Alimehmeti deklaroi se demokratët e kanë bërë zgjedhjen e tyre se nga kush duan të përfaqësohen. Sipas tij, shumica ka folur dhe ka zgjedhur kandidatët e tyre për 14 majin përmes procesit të ‘Primareve’.
“Ne kemi një situatë ku iu kemi kërkuar qytetarëve dhe demokratëve se kush mendonin ata se mund të ishte kandidati I tyre për Tiranës. Këtë e bëmë përmes një procesi që u bë për herë të parë në Shqipëri, që u quajtën ‘Primare’. Mund t’iu them shumë qartë se shumica ka folur ka zgjedhur kandidatin e saj dhe kjo tani po fillon po zgjeron bazën e saj përmes koalicionit zyrtar për edhe koalicionit jashtë atyre partive që iu dini që ndodhen në të, duke shkuar vetë në koalicion me qytetarët e Tiranës. Demokratët janë të ftuar të votojnë kandidatin e tyre. Shifrat flasin qartë, shumica ka folur”, tha ai. “Shumica vendosi dhe caktoi organet kryesuese, caktoj kryetarët dhe caktojë qyetetarët. Shumica ka përcaktuar dhe kushdo ka qenë i ftuar që të kandidonte në ‘Primare’”, shtoi ai.
I pyetur lidhur me akuzat e kreut të komanduar të PD se po shkelet ligji duke përdorur logon e kësaj force politike, Alimehmeti deklaroi se fokusi është tek puna për zgjedhjen dhe koha nuk duhet harxhuar duke u marrë me të tilla deklarata.
“Mendoj që një nga problemet që kemi si shoqëri shqiptare është se merremi shumë me punët e të tjerëve e jo me punët që na takojnë neve, punën për të cilën ne jemi zgjedhur e me punën që jemi zgjedhur për të bërë. Personalisht, mendoj se secili bën punën e vet me më të mirën me etikën më të lartë që mundet të bëjë. Këtë po bëjmë ne koalicioni “Bashkë Fitojmë” dhe kështu po bën kandidati ynë, Belind Këlliçi. Nuk kemi kohë të harxhojmë për diversione të tjera”, tha ai.
Por, cila do të ishte një ndër gjërat e para që Alimehmeti do të ndryshonte nëse koalicioni “Bashkë Fitojmë” do të fitonte Bashkinë Tiranë? “Unë do kisha pasur shumë dëshirë, që zgjedhjet edhe kur bëhet fjalë për Këshillin listat të jenë të hapura. Jam kundër listave të mbyllura, por kështu e kemi sistemin elektoral për momentin”, tha ai.
Alimehmeti deklaroi se koalicioni “Bashkë Fitojmë” dy muaj para zgjedhjeve lokale ka “ndezur motorrët” dhe po punon fort për të fituar këtë betejë.