Safije Sadiki Shaini sot mori pjesë në Turneun Memorial të Shahut “Astrit Dehari”, të organizuar në Gjilan.
Ky aktivitet sportiv dhe përkujtimor mblodhi dashamirës të shahut, duke nderuar kujtimin e Astrit Deharit përmes kësaj loje strategjike dhe duke promovuar vlerat e sportit dhe bashkëpunimit.
Me këtë rast, Shaini përgëzoi Komunën e Gjilanit dhe Federatën e Shahut të Kosovës për organizimin e turneut, duke vlerësuar rëndësinë e aktiviteteve që ndërthurin sportin me kujtesën dhe respektin.
