Raporton: Televizioni News
Shkolla “Toli Zordumis” ka pranuar një donacion të rëndësishëm nga Zvicra, në kuadër të një nisme që synon përmirësimin e kushteve për mësim dhe krijimin e një ambienti më të përshtatshëm për nxënësit.
Bëhet fjalë për 200 karrige dhe 100 banka shkollore, me vlerë të përgjithshme prej 68.850 frangash zvicerane, të cilat do të shërbejnë për nevojat e nxënësve të kësaj shkolle.
Kjo iniciativë është ndërmarrë nga Zejnepe Bajrami, në bashkëpunim me Vlora Shabanin, e cila jeton dhe vepron në Zvicër.
Organizatorët kanë shprehur mirënjohje për donatorët për bujarinë dhe mbështetjen e tyre, ndërsa falënderime të veçanta janë adresuar edhe për prindërit e shkollës dhe Arben Ademin nga Gisada Switzerland, për ndihmën në sigurimin e transportit.
Ky donacion përfaqëson një kontribut të rëndësishëm për përmirësimin e kushteve shkollore dhe dëshmon rëndësinë e bashkëpunimit mes mërgatës dhe institucioneve arsimore në vendlindje.
TV News – Kontributet e tilla dëshmojnë se bashkëpunimi dhe solidariteti mund të sjellin ndryshime konkrete në të mirë të nxënësve dhe arsimit./TV News