Raporton Televizioni News
Kumanova ka arsye për të festuar në ringun ndërkombëtar. Boksieri i ri kumanovar Rrezart Alili ka shënuar një sukses të rëndësishëm në turneun ndërkombëtar të boksit në Plovdiv të Bullgarisë, duke triumfuar në kategorinë e tij dhe duke u stolisur me medaljen e artë.
Alili garoi si pjesë e ekipit të BK Kumanovo 84, i cili në këtë turne u përfaqësua me pesë boksierë.
Përveç Rrezart Alilit, medaljen e artë e fitoi edhe Joakim Jovanovski, ndërsa Alishan Rexhepovski, Kristian Tomevski dhe Krenor Rexhepi siguruan medalje të argjendta.
Suksesi në Plovdiv është një tjetër dëshmi e punës, disiplinës dhe përkushtimit të Rrezart Alilit, i cili po tregon potencial të madh në ringun e boksit.
Ky rezultat është një arritje e rëndësishme jo vetëm për boksierin e ri, por edhe për BK Kumanovo 84, që vazhdon të promovojë dhe të ndërtojë gjenerata të reja të boksierëve nga Kumanova.
Rrezart Alili – medalje e artë në Plovdiv dhe një tjetër sukses i madh për boksin kumanovar.