Avokati Arianit Koci ka reaguar përmes një postimi në Facebook lidhur me ish-presidentin e Kosovës, Hashim Thaçi dhe mundësinë e lirimit të tij.
Koci ka shprehur bindjen se Thaçi do të lirohet, por ka theksuar se edhe një aktgjykim lirues në shkallën e parë nuk do të nënkuptonte domosdoshmërisht përfundimin e procesit gjyqësor.
“Besoj se Hashim Thaçi do të lirohet. Por, edhe një aktgjykim lirues në shkallë të parë nuk e përfundon domosdoshmërisht procesin. Prokuroria ka të drejtë ankese dhe çështja mund të vazhdojë edhe më tej”, ka shkruar Koci.
Ai ka thënë se për këtë arsye e konsideron të parakohshme hapjen e diskutimeve për mundësinë që Thaçi të rikthehet në postin e Presidentit të Kosovës.
“Prandaj, me e hapë sot temën e tij për President më duket e parakohshme. Madje, në këtë moment, mundet me qenë e dëmshme edhe për vet Thaçin”, ka deklaruar avokati.