BDI-Dega ne Kumanovë / Reagim për opinionin 7 me 0.
Shprehim shqetësimin dhe pakënaqësinë të thellë lidhur me 7 punësimet e fundit në Spitalin e Kumanovës, ku sipas informacioneve të publikuara nuk është punësuar asnjë shqiptar.
Në një komunë multietnike si Kumanova, institucionet publike duhet të sigurojnë përfaqësim të drejtë dhe të barabartë për të gjitha komunitetet. Mungesa e shqiptarëve në këto punësime ngre dyshime serioze për respektimin e parimit të mundësive të barabarta dhe krijon ndjenjë të diskriminimit te një pjesë e madhe e qytetarëve.
Për këtë arsye, kërkojmë nga institucionet kompetente transparencë të plotë mbi procesin e rekrutimit, publikimin e kritereve të përzgjedhjes dhe sqarimin e arsyeve që kanë çuar në këtë rezultat.
Njëkohësisht, kërkojmë anulimin e këtij konkursi dhe rishpalljen e tij, me qëllim që procesi të jetë gjithëpërfshirës, i drejtë dhe të mundësojë përfaqësimin e shqiptarëve në përputhje me strukturën multietnike të komunës sonë.
Barazia në punësim nuk është privilegj, por e drejtë themelore e çdo qytetari. Institucionet publike duhet të jenë shembull i respektimit të kësaj të drejte dhe jo burim i pakënaqësive dhe përjashtimit.