Gazetari i njohur italian Fabrizio Romano raporton se drejtuesit e Real Madridit nuk kanë ndërmend ta shkarkojnë Xabi Alonson, pavarësisht rezultateve zhgënjyese që kanë thelluar krizën te klubi madrilen.
Ajo që nisi si një sezon debutues i jashtëzakonshëm në “Santiago Bernabeu” për Alonson, është shndërruar shpejt në një situatë të paprecedentë, e karakterizuar nga një rënie e ndjeshme e rezultateve dhe raportime për tensione midis trajnerit spanjoll dhe disa lojtarëve.
Një sërë lëndimesh kanë kontribuar gjithashtu në krizë, ndërsa humbja ndaj Manchester Cityt në Ligën e Kampionëve mbrëmë e ka përkeqësuar edhe më shumë situatën.
Real Madridi ka regjistruar vetëm dy fitore në tetë ndeshjet e fundit, statistikë që ngre shqetësime serioze për formën e skuadrës.
Megjithatë, drejtuesit e klubit nuk po e konsiderojnë një vendim të menjëhershëm dhe dëshirojnë t’i japin Alonsos mbështetje për të përmbysur gjendjen.
Sipas Romanos, ata pritet të zhvillojnë së shpejti një takim me trajnerin, për të diskutuar situatën dhe hapat e ardhshëm të ekipit