Manchester United arriti një fitore jashtëzakonisht të vlefshme në derbin e madh të futbollit anglez, duke mposhtur Liverpoolin 2:1.
Heroi për “Djajtë e Kuq” ishte mbrojtësi qendror Harry Maguire, i cili shënoi golin e fitores në fund të ndeshjes.
Pas fishkëllimës së fundit, Maguire nuk e fshehu gëzimin e tij të madh dhe theksoi se sa i rëndësishëm është ky sukses për tifozët e ekipit.
“Do të thotë shumë për ne. Në vitet e fundit ata kanë qenë më të mirë se ne dhe kjo nuk reflektoi mirë në klub. Nuk u kemi dhënë tifozëve shumë ditë si kjo, ata kanë pritur gjatë që ne të festojmë një fitore këtu”, tha Maguire.
“Liverpooli na ushtroi presion, por ata nuk patën shumë shanse dhe ne ndiheshim rehat”, shtoi mbrojtësi i “Djajve të Kuq”.
/GazetaBlic Sport