“Të lënduarit nga zjarri në diskotekën e Koçanit janë trajtuar nga spitalet shtetërore dhe Qendra Klinike në Shkup dhe të gjithë kanë marrë ndihmë mjekësore, për momentin spitalet shtetërore kanë kapacitet për t’u kujdesur për të gjithë të lënduarit, ndërsa ndihmë është ofruar edhe nga vendet fqinje”, theksoi sot ministri i Shëndetësisë, Arben Taravari.
“Momentalisht në spitalet e vendit janë duke u përkujdesur 118 persona – në Koçan, në Shtip, në spitalet këtu. Tani po shkojmë në Spitalin Klinik të Kirurgjisë dhe Karil për të parë se si është gjendja aty. Ka disa për Kirurgjinë Plastike të Kirurgjisë së Fëmijëve. Ne do t’ju japim të gjithë informacionin e detajuar. Më e rëndësishmja është se nuk ka pacient që nuk është trajtuar, që nuk është vendosur në spitalet e vendit. Të gjitha objektet tona janë vënë në funksion dhe shpresoj se do të bëjmë maksimumin për të shpëtuar sa më shumë jetë për fëmijët e prekur nga tragjedia”, tha Taravari.
Ai nuk ka dashur të thotë numrin e të lënduarve që janë të shtruar në klinikat e Shkupit dhe se për këtë do të japë informacione shtesë pas vizitës në Qendrën Emergjente.
Ai bëri të ditur se do të japë më shumë informacion pas marrjes së të dhënave nga klinikat lidhur me llojin e lëndimeve dhe nëse në ndërkohë ndonjë nga pacientët e shtruar në spital iu nënshtrua lëndimeve.
Ai tha se për momentin janë në komunikim me spitalet shtetërore, pasi nuk ka nevojë për këtë. Ndihma u ofrua edhe nga vendet fqinje.(INA)

