Në ambientet e Muzeut të Arteve Bashkëkohore në Shkup, Komuna e Çairit organizoi një mbrëmje kushtuar Tetorit Rozë, muajit të ndërgjegjësimit për kancerin e gjirit.
Në këtë aktivitet, mjekë specialistë dhe artistë nga Kosova, Shqipëria dhe Maqedonia e Veriut bashkuan përvojat dhe kontributin e tyre për të përcjellë mesazhe ndërgjegjësimi, solidariteti dhe shprese.
Përmes diskutimeve profesionale dhe programit artistik, u theksua rëndësia e kontrolleve të rregullta, kujdesit për shëndetin e grave dhe zbulimit të hershëm të kancerit të gjirit.
Mbrëmja ishte gjithashtu një mesazh mbështetjeje për të gjitha gratë që përballen me këtë sëmundje, duke rikujtuar se solidariteti dhe përkrahja janë të rëndësishme në çdo etapë të kësaj sfide.
Komuna e Çairit shprehu mirënjohje për mjekët, artistët dhe të gjithë pjesëmarrësit që kontribuuan në realizimin e kësaj nisme.
Mesazhi i Tetorit Rozë është i qartë: ndërgjegjësimi, kujdesi dhe solidariteti me gratë nuk duhet të kufizohen vetëm në një muaj, por të jenë pjesë e përgjegjësisë sonë gjatë gjithë vitit./Televizioni News