Shpërbëhet grup kriminal nga Shkupi! Kallëzim penal ndaj tre personave për terrorizëm dhe trafikim të paligjshëm me armë

Ministria e Brendshme informoi se një grup i organizuar kriminal nga Shkupi është shkatërruar në një aksion të koordinuar policor. Gjatë kontrolleve në 12 lokacione janë ndaluar pesë persona, ndërsa janë sekuestruar pushkë automatike, pushkë snajper, pistoleta, municion të kalibrave të ndryshëm, jelek taktik, pajisje për komunikim, telefona celularë dhe mjete të konsiderueshme financiare.Sipas policisë, 34-vjeçari K.I. dyshohet se që nga viti 2023 ka vepruar në kuadër të një organizate me ideologji të lidhur me ISIS-in, duke përhapur propagandë radikale dhe duke rekrutuar të rinj. Ndaj K.I. është ngritur kallëzim penal për terrorizëm dhe trafikim të paligjshëm me armë, ndërsa ndaj dy personave të tjerë, B.A. dhe E.S., për posedim dhe trafikim të paligjshëm të armëve dhe municionit.