Kryetari i Lidhjes Shqiptare Ziadin Sela, ka reaguar pas vendimit të Gjykatës Speciale e cila dënoi me burg ish-krerët e UÇK-së.
Sela në një postim në Facebook shkruan se ish-krerët e UÇK-së mbrojtën jetën dhe i dhuruan asaj vlerën më sublime që quhet liri.
“Ata mbrojtën jetën, i dhuruan asaj vlerën më sublime që quhet liri. Ndërtuan shtetin për të mbrojtur lirinë e të drejtës për jetë. Sakrifica e tyre është për jetën, lirinë dhe shtetin e lirë të Kosovës. Sot kur drejtësia dështoj si në shumë raste nga e kaluara jonë e hidhur si popull, me pafuqinë e një populli të vogël në numër e me madhështinë e pashoq në guxim, dinjitet, njerëzi e mbijetesë, mllefin (me të drejtë), ta shndërrojmë në gjykim!”.
“Sakrifica e tyre ishte jeta, liria, Kosova shtet sovran e i pavarur. E njejtë është edhe sot, respektojeni atë, qetë me durim sepse fjala e fundit akoma s’është thënë!”, ka shkruar Sela.