Pas verdiktit të sotëm ndaj katër ish-krerëve të UÇK-së, ka reaguar edhe artistja shqiptare me famë botërore, Dua Lipa.
Ajo ka bërë dy postime në InstaStory. Në njërin prej tyre ka publikuar një fotografi të logos së UÇK-së, të shoqëruar me hashtagun “Liria ka emër”. Në postimin tjetër ajo ka shpërndarë një fotografi që pasquron të dhënat lidhur me viktimat e luftës në Kosovë, përfshirë fëmijët e vrarë, gratë e dhunuara dhe mijëra njerëzit që u detyruan të largohen nga shtëpitë e tyre si refugjatë gjatë luftës.
Këngëtarja shqiptare është në mesin e figurave të shumta të njohura që kanë reaguar ndaj verdiktit të sotëm të Dhomave të Specializuara të Kosovës në Hagë. Mes tyre është edhe Rita Ora, e cila ndër vite ka qenë një zë i Kosovës në arenën ndërkombëtare.
Foto: Dua Lipa / Instagram
Dua Lipa, prej vitesh, ka përdorur ndikimin e saj për të promovuar Kosovën dhe Shqipërinë në skenën ndërkombëtare. Gjatë gjithë karrierës së saj, ajo nuk ka hezituar të flasë për vendlindjen e saj, ndërsa në intervista të shumta ka folur edhe në gjuhën shqipe.
Ngjashëm, edhe Rita Ora ka kontribuar ndër vite në promovimin e Kosovës në arenën ndërkombëtare. Ajo njihet gjithashtu si Ambasadore Nderi e Kosovës.
Foto: Dua Lipa / Instagram
Dhomat e Specializuara të Kosovës gjatë ditës së sotme kanë shpallur dënimet ndaj ish-krerëve të UÇK-së. Hashim Thaçi është dënuar me 25 vjet burgim, Kadri Veseli me 18 vjet, Rexhep Selimi me 13 vjet, ndërsa Jakup Krasniqi me 25 vjet burgim.