Ushtruesja e detyrës së presidentes së Kosovës, Albulena Haxhiu, ka caktuar Albin Kurtin mandatar për formimin e Qeverisë së re të Kosovës.
Haxhiu ka bërë të ditur se vendimi është marrë pas propozimit të Lëvizjes Vetëvendosje dhe në përputhje me Kushtetutën e Republikës së Kosovës.
“Kam caktuar z. Albin Kurti mandatar për formimin e Qeverisë së Republikës së Kosovës”, ka njoftuar Haxhiu.
Ajo i ka uruar Kurtit sukses në ushtrimin e përgjegjësive që burojnë nga besimi i qytetarëve, duke shprehur pritjen që Qeveria të formohet sa më shpejt.
Ky vendim vjen pasi Lëvizja Vetëvendosje e ka propozuar Kurtin për mandatar, duke hapur kështu procedurën për formimin e Qeverisë së re.