Vizitën në ditën e parë të vitit të ri shkollor kryetari i Tetovës, Bilall Kasami e nisi nga Shkolla Fillore “Rexhep Voka” në Shipkovicë dhe Brodec.
Me fillimin e këtij viti të ri shkollor, nxënësit e kësaj shkolle do të zhvillojnë mësimin me një ndërrim, duke krijuar kushte më të mira për procesin mësimor, shkruan portali Lideri.mk.
‘Në këtë shkollë janë realizuar investime të rëndësishme në përmirësimin e kushteve dhe hapësirave shkollore, me qëllim që nxënësit dhe mësimdhënësit të kenë një ambient më të përshtatshëm për punë dhe mësim.
Ky është vetëm një hap në përpjekjet tona për të përmirësuar vazhdimisht kushtet në shkollat e Komunës së Tetovës!
Suksese të gjithë nxënësve dhe mësimdhënësve në vitin e ri shkollor!’, uroi Kasami./Televizioni News