ERËRA TË FUQISHME NË KUMANOVË, DËMTOHEN KULMET E DISA OBJEKTEVE
Kumanovën e kanë përfshirë mbrëmjen e sotme erëra të fuqishme, të cilat kanë shkaktuar dëme materiale në disa pjesë të qytetit. Sipas informacioneve të para të dërguara në redaksinë e Televizionit News, erërat e forta kanë shkaktuar shkuljen dhe dëmtimin e kulmeve të disa objekteve. Pamjet e siguruara nga terreni tregojnë pasojat e motit të lig, ndërsa ende nuk dihet nëse ka persona të lënduar apo dëme të tjera materiale. /Televizioni News do të sjellë informacione të reja nga terreni.
