Në vitin shkollor 2025/2026, në komunë kanë mësuar gjithsej 1.236 nxënës, që është për 145 nxënës më pak krahasuar me vitin shkollor 2022/2023.
Komuna e Dellçevës ka marrë vendim për ndërprerjen e përkohshme të punës së katër shkollave rajonale në fshatrat Gabrovo, Zvegor, Stamer dhe Virçe. Vendimi është marrë për shkak të uljes drastike të numrit të nxënësve, por edhe për shkak të kostove të larta për mirëmbajtjen e shkollave.
Aspekti financiar është një tjetër arsye për këtë vendim. Sipas të dhënave të Komunës së Dellçevës, funksionimi i këtyre shkollave rajonale u kushton dy shkollave amë rreth pesë milionë denarë në vit secilës. Në të njëjtën kohë, numri i nxënësve në komunë vazhdimisht po zvogëlohet.
Të dhënat nga programi për arsim i Komunës së Dellçevës tregojnë se në vitin shkollor 2025/2026, në komunë kanë mësuar gjithsej 1.236 nxënës, që është për 145 nxënës më pak krahasuar me vitin shkollor 2022/2023. Rënia është veçanërisht e theksuar në arsimin e mesëm, ku numri i nxënësve për dy vjet është ulur nga 390 në 304.
Po zvogëlohet edhe numri i fëmijëve që për herë të parë ulen në bankat shkollore. Në vitin shkollor 2025/2026, në dy shkollat fillore në Dellçevë janë regjistruar 111 nxënës të klasës së parë. Në vitin 2022, numri i tyre ishte 115, ndërsa në vitin 2015 në komunë kishte 142 nxënës të klasës së parë.
Gjendja në Dellçevë është pjesë e trendit më të gjerë demografik në rajonin lindor. Sipas të dhënave të Entit Shtetëror të Statistikave, në Rajonin Lindor në vitin 2024 janë regjistruar 936 fëmijë të lindur gjallë, kundrejt 1.974 personave të vdekur, që nënkupton një shtesë natyrore prej minus 1.038 banorësh.