Lexoni reagimin e plotë të Zija Zeqirit, djalit të dëshmorit të UÇK-së Zaim Zeqiri
Manifestimi “Vera Mergimtarëve Vaksincë 2026” u realizua prej datës 01.08.2026 deri më 03.08.2026, duke përfshirë program sportiv, rekreativ dhe zbavitës. Në ditën e dytë të manifestimit, para nisjes për ecje nëpër mal, u bënë homazhe dhe u vendosën lule tek varrezat e dëshmorëve gjegjësisht tek varri dëshmorit të Kombit Komamdant Fadil Nimani-Tigri dhe dëshmorit të Kombit Zaim Zeqiri.
Lulet u vendosën nga një veteran i UÇK-së, i ardhur enkas nga Austria për të marrë pjesë në këtë manifestim, në praninë e të gjithë pjesëmarrësve.
Gjatë ecjes vizituam edhe çeshmat e vendit. Njëra prej tyre, “Çeshma e Xhavitit”, mban emrin e gjyshit të këtij veterani. Pra, ajo ditë nuk ishte vetëm ecje në natyrë, por edhe nderim i kujtesës, historisë dhe trashëgimisë së vendlindjes.
Disa persona, të shtyrë nga motive të ulëta, nxituan të akuzojnë se gjatë manifestimit nuk u vendosën lule te varret e dëshmorëve.Si pjesëmarrës në këtë manifestim dhe si familjar i një dëshmori, ndiej përgjegjësi morale të reagoj ndaj këtyre akuzave të pavërteta.Dëshmorët nuk janë pronë e askujt dhe emri i tyre nuk duhet të përdoret nga askush për motive të ulëta apo për përçarjen e bashkëvendasve. Kritika është e mirëpritur, por vetëm kur mbështetet në të vërtetën. Para se të akuzoni, shikoni faktet!
