Zëvendësministri i Punëve të Brendshme, Astrit Iseni, ka reaguar ashpër ndaj deklaratave të funksionarit të BDI-së, Arbër Ademi, duke e akuzuar atë për manipulim të opinionit publik dhe përhapje të gënjeshtrave.
Përmes një postimi në rrjetet sociale, Iseni thekson se Arbër Ademi, i cili për vite me radhë ka qenë pjesë e pushtetit, nuk ka arritur të zgjidhë problemet reale të shqiptarëve, ndërsa tani, sipas tij, po përpiqet të ndërtojë opozitën mbi “gënjeshtra dhe manipulime”.
“Polici për të cilin flet Arbër Ademi nuk është avancuar. Pikë,” shkruan Iseni, duke hedhur poshtë pretendimet e Ademit.
Ai shton se kur mungojnë projektet dhe ofertat për qytetarët, mbetet vetëm manipulimi politik, por thekson se qytetarët, veçanërisht në Kumanovë, e njohin mirë të vërtetën.
Në fund të reagimit, Iseni porosit se “gënjeshtra e përsëritur njëqind herë nuk bëhet e vërtetë”, duke akuzuar BDI-në për përpjekje për të mashtruar opinionin publik. (INA)