Besojeni ose jo, sot (24 korrik) në lartësitë e Malit Sharr, mbi Kodrën e Diellit, kanë rënë reshje bore. Fenomeni i pazakontë vjen pas ndryshimit të menjëhershëm të motit, me temperatura të ulëta dhe reshje në zonat më të larta malore.
Reshjet e borës në fund të muajit korrik janë një dukuri shumë e rrallë për këtë periudhë të vitit, duke e bërë pamjen e bardhë në majat e Sharrit edhe më të veçantë. Sipas parashikimeve, moti i ftohtë dhe i paqëndrueshëm në lartësi ka favorizuar shfaqjen e këtij fenomeni.