Blina Zymberi është shpallur Nxënësja e Gjeneratës në shkollën e mesme profesionale të mjekësisë Fritz-Erler-Schule në Gjermani, duke arritur një sukses të jashtëzakonshëm falë përkushtimit dhe rezultateve të shkëlqyera në mësime.
Blina rrjedh nga familja Zymberi e fshatit Sllupçan, një familje që gjatë konfliktit të vitit 2001 dha një sakrificë të madhe, duke humbur 10 martirë.
Ky sukses është një dëshmi se sakrifica e djeshme dhe përkushtimi ndaj dijes ndërtojnë një të ardhme më të mirë. Arritja e Blinës përbën krenari për familjen Zymberi, për Sllupçanin dhe për të gjithë shqiptarët.
Urime Blina Zymberi për këtë vlerësim të merituar, me dëshirën për suksese edhe më të mëdha në rrugëtimin e saj drejt profesionit të mjekësisë./Televizioni News
