Kryetari i Komunës së Çairit, Izet Mexhiti, ka njoftuar organizimin e edicionit të parë të Festivalit Ndërkombëtar të Muzikës “Çarshia”, i cili do të mbahet nga 23 deri më 26 korrik në ambientet e Suli Anit dhe Kurshumli Anit njofton INA.
Sipas Mexhitit, festivali synon të shndërrohet në një traditë të përvitshme dhe të forcojë pozitën e Shkupit në hartën kulturore të rajonit.
Nën drejtimin artistik të sopranos Inva Mula dhe Dëshira Ahmeti, festivali do të sjellë artistë vendorë dhe ndërkombëtarë, duke ofruar një program të pasur muzikor.
Mexhiti theksoi se investimi në kulturë është investim në identitet dhe se synimi i komunës është krijimi i një tradite të qëndrueshme kulturore që do ta promovojë Shkupin si një qendër të rëndësishme artistike në rajon./INA/