Shoqata e Mërgimtarëve të Sllupcanit mirëpret mërgimtarët me pankarta në hyrje të fshatit
Në prag të ardhjes së bashkatdhetarëve për pushimet verore, Shoqata e Mërgimtarëve të Sllupcanit ka vendosur pankarta mirëseardhjeje në hyrje të fshatit, duke shprehur respektin dhe mirënjohjen për të gjithë mërgimtarët që, pavarësisht viteve dhe distancës, mbeten të lidhur ngushtë me vendlindjen.
Përmes këtij gjesti simbolik, shoqata u uron mërgimtarëve pushime të mbara, çaste të lumtura pranë familjeve dhe miqve, si dhe sa më shumë kujtime të bukura gjatë qëndrimit në Sllupcan.
“Mirë se vini në vendlindjen tuaj! Shtëpia juaj ju pret gjithmonë me zemër të hapur”, është mesazhi i Shoqatës së Mërgimtarëve të Sllupcanit, e cila edhe këtë vit ka zgjedhur t’i presë bashkatdhetarët me një shenjë të veçantë mirëseardhjeje.
