Rregullat e reja për transportin rrugor ndërkombëtar në Bashkimin Evropian hyjnë në fuqi më 1 korrik, duke sjellë ndryshime të rëndësishme për pronarët e furgonave dhe kamionëve të lehtë. Sipas rregulloreve të reja, të gjitha automjetet e lehta komerciale dhe furgonat me një masë maksimale të lejuar, së bashku me rimorkion, midis 2.5 dhe 3.5 tonë, që kryejnë transport ndërkombëtar të mallrave, do të duhet të jenë të pajisur me takografë inteligjentë të gjeneratës së dytë (G2V2).
Këto pajisje regjistrojnë kalimet kufitare, vendet ku ngarkohen dhe shkarkohen mallrat, si dhe aktivitetet e shoferit gjatë drejtimit të mjetit.
Grand Kozmetik
Detyrimi i ri zbatohet për automjetet e lehta komerciale që marrin pjesë në transportin ndërkombëtar ose kabotazh, përkatësisht në transportin e mallrave brenda një vendi tjetër.
Deri më tani, detyrimi për instalimin e takografit vlente kryesisht për automjetet me peshë mbi 3.5 tonë, por rregullat evropiane, të cilat po njoftohen gradualisht që nga viti 2023, tani përfshijnë edhe automjetet më të vogla që marrin pjesë në transportin ndërkombëtar.