Siç bëri të ditur gazetarja e Klan Kosovës, Vesa Hoda, në protestë kanë marrë pjesë edhe studentë nga Maqedonia dhe Shqipëria.
“Po lajmërohemi nga Dragodani, saktësisht nga Ambasada e Maqedonisë së Veriut. Këshilli studentor dhe studentët e Prishtinës janë mbledhur në protestë për mbrojtjen e përdorimit të gjuhës shqipe në provimet shtetërore, më saktë në provimin e jurisprudencës. Përveç studentëve nga Kosova, kanë ardhur studentë nga Maqedonia dhe Shqipëria.
“Në pankarta shkruhet se “gjuha shqipe është amanet” dhe ‘arsimi në shqip është e drejtë dhe jo privilegj’”, tha gazetarja Vesa Hoda në “Kosova Today”./klan kosova