Gazetari dhe opinionisti i njohur kosovar, Adriatik Kelmendi, ka shpërthyer në kritika tejet të ashpra ndaj Kryeministrit Albin Kurti, pas vendimeve të fundit rreth ndihmave dhe pakove sociale.
Kelmendi, përmes një reagimi plot revoltë në rrjetet sociale, e ka cilësuar qasjen e qeverisë si një poshtërim për qytetarët e vendit, duke kujtuar pozicionin e rëndë ekonomik në të cilin ndodhet Kosova.
“Marre, marre, marre, marre, marre, marre, marre!
Ofendim, ofendim, ofendim, ofendim, ofendim!
Poshtërim, poshtërim, poshtërim!
Je udheheqës i vendit më të varfër në Evropë! Je i fundit me arsim, me shëndetësi, me projekte kapitale! Je i fundit me integrime evropiane! E mashtron qytetarin e shkretë çdo zgjedhje me lëmoshë!
Nëse këta sot s’po skuqen, do të skuqen për ta ata që nesër do ta studiojnë këtë kohë kur kaq shumë u përbuzen qytetarët dhe Kosova!”, shkruan Kelmendi në postimin e tij. (INA)