Kuvendi i Kosovës, më 80 për, asnjë kundër dhe asnjë abstenim ka miratuar Projektligjin për Sigurimin e Detyrueshëm të Kujdesit Shëndetësor.
Ministri i Shëndetësisë tha se nuk ka qenë i ftuar në diskutime për këtë projektligj, mirëpo ka marrë komente nga shumë akterë.
“Gjithashtu shfrytezoj rastin që para jush deputetë të nderuar dhe qytetarë të ndëruar, të spjegohem dhe të kërkoj falje për mospjesëmarrjen time në diskutimet për ligjin që janë bërë në komisionin parlamentar, por sinqerisht besoj se atë mund ta vërtetoni nga sekretaria e Kuvendit, unë nuk kam qenë i ftuar, dhe fakti që nuk kam qenë i ftuar nuk kam pasur ftesë se kur qysh tek që duhet të vijë, domethënë ftesë për këtë diskutim, që jam plotësisht dakord me juve që diskutimet që do t’i kishim bërë brenda, sigurisht që do të kishin prodhuar rezultat edhe në kundërshtimet potenciale që kishim mujt mi pas më njëri tjetrin”.