Me iniciativën dhe mbështetjen e Komunës së Haraçinës dhe kryetarit të saj, Daut Beqiri, është vendosur shtiza e flamurit kombëtar dhe është rregulluar me pllaka hapësira përreth pllakës përkujtimore kushtuar dëshmorit të kombit, Beqir Sadiku, në Varrezat e Dëshmorëve në Haraçinë.
Familja Sadiku nga Sllupçani ka shprehur falënderimet dhe mirënjohjen e sinqertë ndaj Komunës së Haraçinës dhe kryetarit Daut Beqiri për kontributin, përkujdesjen dhe respektin e treguar ndaj kujtimit të dëshmorit.
Ky veprim përbën një dëshmi të respektit për dëshmorët që dhanë jetën për lirinë dhe dinjitetin kombëtar, duke ruajtur gjallë kujtimin e sakrificës së tyre për brezat e ardhshëm.
Në fund, familja Sadiku ka shprehur mirënjohjen për këtë kontribut, duke ritheksuar rëndësinë e ruajtjes së kujtimit për dëshmorët e kombit.
Lavdi e përjetshme dëshmorit të kombit, Beqir Sadiku!