Deputeti i Erion Braçe u shpreh sot në Kuvend se ka kërkuar interpelancë me Ministrin e Bujqësisë që nga mesi i shkurtit, por deri tani nuk ka mundur të marrë përgjigje.
“Kam që në mes të shkurtit që kërkoj interpelancë me ministrin e Bujqësisë. Po shkojmë në mes të prillit.
Pranova argumentin që ministri është në Bruksel. Sot më thonë ministri është në Kosovë. Unë nuk mendoj që kjo është arsye. Çështja për të cilën e kisha thirrur ka të bëjë me ushqimin.
Në këtë situatë mund të lëviz ministri i Jashtë, ministri i Mbrojtjes, por Ministri i Bujqësisë duhet të jetë këtu dhe t’i përgjigjet. Ky parlament nuk mund të dalë nga agjenda siç kërkon një ministër. Do kërkoja me ngulm që kjo gjë mos të ndodh më. Më është dashur 6 javë për të marrë informacionin, tani më duhen 6 javë të flas me ministrin.,” tha Brace gjatë fjalës së tij.
Kryetari i Kuvendit, Niko Peleshi, u përgjigj se për shkak të vizitave jashtë vendit, ministri nuk ka mundur të jetë i pranishëm, por seanca e kërkuar nga Brace do të planifikohet për më 9 prill.
/vizionplus.tv