Një ditë pas mbledhjes së Asamblesë, kryetari i Partisë Socialiste Edi Rama mblodhi sot në seli drejtuesit politikë të 12 qarqeve.
Mbledhja zgjati rreth 2 orë dhe më pas, në mesditë, kryesocialisti zhvilloi një takim me drejtuesit politikë vetëm për Qarkun e Tiranës.
Këto mbledhje zhvillohen kur nga zgjedhjet lokale na ndan pak më shumë se një vit dhe mësohet se fokusi i diskutimeve ishin përgatitjet për këtë betejë elektorale.
Në fund të takimeve nuk pati deklarata për median por mësohet se Edi Rama vendosi të përforcojë strukturat që do të punojnë për Bashkinë e Tiranës.
Kryesocialisti ka vendosur që drejtuesit politikë krahas qarqeve ku u caktuan një ditë më parë, do të punojnë edhe në një prej njësive të kryeqytetit.
Kështu në njësinë nr 1 përvec Lindita Nikollës do të punojë edhe ministrja Mirela Kumbaro, në njësinë 2 do të punojnë Gent Gazheli, Delina Ibrahimaj, Olta Manjani dhe Sekretari i Përgjithshëm Blendi Klosi. Në Njësinë 3 do të punojnë Edona Bilali dhe ministri Ervin Demo.
Në njësinë 4 do të jenë Blerina Gjylameti dhe Eduard Shalsi. Në njësinë 5 Fatmir Xhafa, Taulant Balla dhe Erion Braçe. Në njësinë 6 janë ngarkuar zëvendëskryeministrja Albana Koçiu, Endrit Yzeiraj, Megi Fino dhe Belinda Balluku.
Në Njësinë 7 do jenë Sofian Jaupaj, Enkelejd Musabelliu si dhe Arbian Mazniku. Në njësinë 8 janë Igli Hasani, Vilma Premti dhe kryetari i Kuvendit Niko Peleshi. Ogerta Manastirliu dhe Olti Muzaka do jenë në Njësinë 9.
Në njësinë 10 ministri Besfort Lamallari dhe Blendi Çuçi. Në Njësinë 11 do punojnë Damian Gjiknuri, Ervin Hoxha dhe Ulsi Manja. Në Njësinë 13 Elisa Spiropalit dhe Anila Denaj.
Në njësinë 14 Ministri Blendi Gonxhe dhe Plarent Ndreca Dhe në njësinë 15 Toni Gogu, Xhemal Qefaliaj dhe Silva Caka./vizionplus.tv