Prej orës 10:00 në qytetin bregdetar të Durrësit te “Melia”, po zhvillohet asambleja e PS me fokus zgjedhjet e brendshme të partisë dhe përgatitjet për zgjedhjet vendore të 2027-ës.
Në fjalën e tij kryesocialisti Edi Rama u ndal te nevoja për riorganizimin e Kuvendit të Shqipërisë dhe reformën zgjedhore. Ai theksoi se numri i deputetëve do të ulet, ndërsa shtoi se Kuvendi ka mungesë infrastrukture dhe burimesh, duke theksuar domosdoshmërinë e ndërtimit të një godine të re dhe përmirësimit të statusit dhe kushteve të punës së deputetëve.
Ai nënvizoi se puna për këtë nuk mund të vonohet dhe duhet të fillojë menjëherë, pavarësisht nëse godina e re përfundon brenda këtij mandati.
Po ashtu, kryeministri foli për reformën administrative-territoriale, duke nënvizuar se ajo duhet diskutuar drejtpërdrejt me qytetarët dhe jo vetëm brenda komisioneve. Ai përmendi edhe nevojën për përmirësime në sistemin zgjedhor, duke zbatuar rekomandimet e OSBE/ODIHR dhe depolitizimin e administratës zgjedhore, që Shqipëria të përmbushë standardet evropiane dhe të bëhet gati për integrimin në BE.
Rama: Kemi folur për riorganizimin e Kuvendit të Shqipërisë. 10 legjislatura kanë hyrë dhe kanë dalë 1136 deputetë. Nuk besoj se ka shqiptar që do thoshte na duhen më shumë deputetë, por besoj se nuk ka shqiptar që s’do donte më pak deputetë. Ne do ta zbresim numrin e deputetëve. Ne jemi vonë për këtë, por sërish kemi të gjithë kohën e nevojshme që t’i thërrasim shqiptarët në referendum. Do çojmë përpara ligjin e munguar për referendumet. Së dyti kemi folur për ligjin organnik për funksionimin e Kuvendit të Shqipërisë. Është i domosdoshëm sepse Kuvendi i ka deputetët pa status. I ka të pamjaftueshme burimet me të cilat funksionin. Kuvendi nuk ka as shtëpi. Kemi thënë që duhet ta bëjmë Kuvendin me shtëpi. Të gjitha këto duhen bërë dhe duhen bërë tani. Mbase nuk është e mundur që shtëpia e re e Kuvendit të përfudnojë brenda këtij mandati, por duhet të fillojë pa kaluar gjysma e këtij mandati.
Kemi vënë përpara nesh detyrën për të bërë një reformë adminsitrative territoriale e cila nuk mund të qëndrojë e mbyllur në guackën e një komisini, por ka ardhur koha që të diskutohet. Ta diskutojmë ne me njerëzit në territor. Ka shumë nevojë Shqipëria për këtë reformë. Kemi nisur nga puna për Reformën Zgjedhore. Duhet të adresojmë me patjetër rekomandimet e OSBE/ODIHR. Duhet të bëjmë depolitizimin e plotë të administratës zgedhore duan apo nuk duan ata që kurrë mos daçin. Është një nga pikat më të turpshme për një Shqiëpri do bëhet gati të hyjë në Be. Mbase ka mbetur i vetmi vend në Evropë me një administratë politilke të komisioneve zgjedhore. Duhet të bëjmë çmos që rezultati të dalë më shpejt. Duke bërë këto dy gjëra do t’i japim përgjigje shumë shqetësimeve që krijohen artificialisht.