Është mbajtur ditën e sotme mbledhja e qevëerisë. Në përfundim ministrant kanë komunikuar vendimet e marra gjatë mbledhjes.
Ministri i Shtetit për Pushtetin Vendor, Ervin Demo, njoftoi miratimin e zonave prioritare për 8 bashki në kuadër të Paketës së Maleve.
Demo: Kemi miratuar zonat prioritare për 8 bashki në kuadër të Paketës së Maleve, Mirditë, Kavajë, Durrës, Vlorë, Berat, Dimal dhe Librazhd. Këto bashki tashmë janë gati që të vazhdojnë me procedurat. Paketa e Maleve është duke ecur me një shpejtësi të konsiderueshme. Do të vijojmë edhe në javët e tjera të miratojmë zonat prioritare për bashkitë të cilat kanë mbetur akoma.
Demo gjithashtu u pyet dhe për vijim e Komisionit të Posaçëm për hartimin e reformës së re territoriale në një kohë kur PD refuzon të marrë pjesë. Demo thotë se komisioni do të vijojë punën dhe reforma do të hartohet.
Demo: Unë besoj që komisioni i posaçëm është mbledhur gjatë kësaj jave, javën që kemi përpara do të fillojnë dhe takimet dhe të ftuarit e parë në komision, unë do të jem një ndër ta për të trajtuar atë që ka ndodhur dhe reformën. Jemi në kohë, komisioni ka kohën përpara. Besoj që ajo që është e rëndësishme është nevoja për të trajtuar atë që ka ndodhur 10 vitet e fundit që të kemi bashki më të forta nesër. Nuk flas për qëndrime politike. Komisioni do të ecë përpara, ka mjaftueshëm argumente ku të gjitha palët mund të gjejnë vetveten për të hartuar reformën. Mazhoanca ka përgjegjësinë për të ofruar zgjidhje dhe për të çuar përpara reformën. Jemi si mazhorancë shumë të hapur që kjo reformë të përfshijë të gjitha palët.