Vendimi nëse dosja CEZ-DIA do të kalojë apo jo për gjykim do të jepet në datën 18 mars. Këtë të enjte i pandehuri, ish- presidenti i vendit, Ilir Meta i pranishëm në seancë, këmbënguli në pafajsinë e tij duke pohuar se nuk ka pasuri të fshehura dhe se ka bërë një jetë të thjeshtë. E bashkëpandehura në këtë çështje, Monika Kryemadhi deklaroi se do duhet që Prokurorët e Posaçëm të provojnë akuzat e korrupsionit, pasi dokumentet që ata vënë në dispozicion, sipas saj janë të falsifikuara.
“Si mund të ngresh një akzuë për korrupsion ndërkohë që nuk e ke veprën e korrupsionit. Pretendimet e organit të akuzës që sikur UNIFY ka paguar faturat e LSI për lobim deri më sot ne i shikonim si argument ligjor, kurse sot i thamë troç se faturat të cilat pretendoni ju, janë false. Z. Meta është shumë racional në kërkesat e tij. Z. Meta nuk ka asjë firmë, asnjë mesazh, asnjë vendim, asnjë gjë’, tha ish deputetja Monika Kryemadhi.
Të dy janë vënë nën akuzë për tre çështje: korrupsioni e pastrim parash me dosjen e njohur si CEZ-DIA, mosdeklarim pasurie për lobim dhe disa fatura mjekësore.
Sotir Kllapi, prokurori i çështjes, pretendon se Ilir Meta, në ciëlsinë e ministrit të Energjitikës ka shkelur ligjin duke mos monitoruar mbledhjen e borxhit të prapambetur të faturave të energjisë në dëm të kompanisë CEZ. Sipas tij përmes pushtetit të tij shlyerja u bë përmes shoqërisë DIA, e cila nuk i përmbushte kriteret e domosdoshme ligjore për të mbledhur borxhin.
Në bashkëpunim ata dyshohen për kontratat e konsulencës dhe lobimit në Shtetet e Bashkuara të Amerikës si dhe mosdeklarim të shpenzimeve mjekësore për periudhën 2013–2019./vizionplus.tv