Kryeministri Albin Kurti shprehu sot mendimin e tij të fortë në lidhje me zgjedhjet e reja, duke theksuar se ato nuk janë një zgjidhje e qëndrueshme.
Gjatë një konference për media, Kurti theksoi se është e nevojshme të pritet vendimi i Gjykatës Kushtetuese për të vazhduar me çështjet e brendshme politike.
Ai theksoi rëndësinë e respektimit të procedurave ligjore në këtë proces.
“Asnjë deputet që ka munguar nuk e ka njoftuar kryetaren e Kuvendit, prandaj lënda është në Gjykatën Kushtetuese.
Detyrë e deputetëve është të vijnë në seanca dhe të marrin pjesë. Nuk mund të flasim për zgjedhje të reja pa e thënë fjalën e fundit Gjykata Kushtetuese”, tha Kurti.
Kurti gjithashtu shprehu shqetësimin e tij në lidhje me dekreti për shpërndarjen e Kuvendit, duke e cilësuar atë si të papranueshëm.
Ai theksoi se ky dekret nuk është kushtetues dhe se kjo çështje do të trajtohet nga Gjykata Kushtetuese.
“Sot në mëngjes u njoftuam nga mediat se u shpërnda Kuvendi.
Dekreti për shpërndarjen e Kuvendit nuk është kushtetues, kjo përben edhe një lëndë tjetër për Gjykatën Kushtetuese.
Në orën 14:00 ka qenë e planifikuar një seancë për ratifikimin e disa marrëveshjeve ndërkombëtare”, shtoi ai.
Një nga pikat më të rëndësishme që Kurti theksoi ishte shpenzimi i madh që do të kërkonte organizimi i zgjedhjeve të reja.
Ai vlerësoi se do të nevojiteshin së paku 10 milion euro për të përsëritur rezultatin e njëjtë, një shpenzim që ai e konsideron të panevojshëm.
“Nuk besoj që zgjedhjet e përsëritura janë zgjidhje. Do kushtojnë së paku 10 milion për ta përsëritur rezultatin e njëjtë.
Kjo është një shpenzim i madh që mund të përdoret për projekte më të dobishme për qytetarët”, përfundoi Kurti.
Me këtë qëndrim, Kurti fton të gjithë aktorët politikë të reflektojnë mbi situatën aktuale dhe të kontribuojnë në stabilitetin e vendit, duke shmangur shpenzimet e panevojshme dhe duke respektuar ligjin.