“Lindja e Mesme në flakë, sa zgjat lufta?” Kjo është tema e kësaj të marte në QUO VADIS në Vizion Plus.
Ish- zv. ministri i Brendshëm, Avenir Peka theksoi se vendet e vogla, si Shqipëria, duhet të dinë të orientohen qartë në raport me aleatët strategjikë.
Sipas tij, Shtetet e Bashkuara të Amerikës mbeten faktor i pazëvendësueshëm jo vetëm për Shqipërinë, por për gjithë Evropën.
Ai theksoi se interesat globale të SHBA-ve janë të lidhura ngushtë me interesat e aleatëve dhe se fuqizimi ushtarak i vendeve evropiane të NATO-s duhet parë si një zhvillim pozitiv.
Pjesë nga biseda:
Borakaj: Është situata kaq alarmante dhe a ka nevojë për masa urgjente?
Peka: Vendet e vogla kanë për detyrë të dinë të orientohen. SHBA-të janë faktor i pazëvendësueshëm jo vetëm për ne, por për gjithë Evropën. Që kur është hapur Shqipëria, ne kemi ecur me dy linja, struktura e sigurisë me NATO-n dhe afrimi politik drejt Bashkimit Evropian.Në raport me SHBA-të, nuk e shoh kaq pesimist situatën. SHBA-të, krahut evropian të NATO-s do t’i japin më shumë peshë dhe më shumë përgjegjësi, sidomos në ruajtjen e kontinentit të tyre. Interesat globale janë të lidhura ngushtë me interesat e aleatëve. Fuqizimi ushtarak i vendeve evropiane të NATO-s është pozitiv. SHBA janë sot këto që janë për shkak të rrjetit të aleatëve. Kritikat e SHBA-ve për peshën e Evropës në NATO kanë qenë historikisht të pranishme.
/vizionplus.tv